Sverrir Aðalsteinn

Háskólar

Sverrir Aðalsteinn — Wed, 27 May 2009 09:02:55 +0000

Loksins er útlendingur búinn að segja þau fullkomlega augljósu sannindin að það sé fáránlegt að reka 7 háskóla á Íslandi. Þá verður kannski farið að taka mark á því. Í raun ætti ríkið bara að setja pening í einn háskóla, Háskólann, þannig að ef aðrir vilja reka eða stunda nám í öðrum háskóla verði þeir bara að borga fyrir það.

Það vær rætt um háskólanám á morgunvaktinni í útvarpinu í morgun. Þar var sagt frá því að árið 2001 hefðu verið 7000 nemndur á háskólastigi en núna væru þeir 13000, svo var fullyrt að þetta sýndi hvað „gróskan“ væri mikil. Það er mikill misskilningur, fleiri nemendur þýða ekki endilega meira gróska.

Beðið eftir þyrlu. Canon 350D, EF 24 f/2.8

Búinn!

Sverrir Aðalsteinn — Tue, 26 May 2009 14:19:46 +0000

Nú hef ég skilað MSc. ritgerðini. Það er skrítið, ég þjáist af samviskubiti yfir því að vera ekki að læra en það er ekkert sem ég á að vera að gera. Ef einhvern vantar jarðfræðing, sagnfræðing, vélvirkja eða allt af þessu í vinnu þá má viðkomandi láta mig vita.

Fyrirlestur 5. júní, klukkan 12:15 í sal jarðvísindastofnunar í Öskju.

Ljósárfjöll. Canon 350D, EF 70-210 f/3.5-4.5

Duglegir menn

Sverrir Aðalsteinn — Mon, 18 May 2009 09:13:05 +0000

Ég var að lesa mjög góða grein í Dagblaðinu Nei. Ég held að duglegir menn hafi sett okkur á hausinn.

Annars ferst mér að vera að tala um dugnað, búinn að sitja á hverjum degi fram á kvöld í þrjár vikur við að klára ritgerðina mína. Skila af mér næsta föstudag. Að því loknu ætla ég að gera mitt besta í að vera latur, amk út júní.

Setlög í Eystri-Reykjadal, Fjallabaki. Canon 350D, EF 70-210 f/3.5-4.5

Megrun

Sverrir Aðalsteinn — Thu, 07 May 2009 17:11:46 +0000

Samkvæmt þessu var megrunarlausi dagurinn í gær. Megrunarlausi dagurinn er sniðugt fyrirbæri, hann er einslags uppskeruhátíð ofsafeitra þar sem góðum árangri á heimslista BMI er fagnað. En betur má ef duga skal, við erum ekki einu sinni komin í 16 sæti heldur sitjum í því 17.

Það gæti verið sniðug hugmynd að fjölga slíkum dögum. Hvernig væri að hafa „afborgunarlausa daginn“ þar sem skuldugir gætu fagnað ótrúlegum árangri í skuldasöfnun miðað við höfðatölu. Einnig gæti „kolefnisbindingarlausi dagurinn“ verði sniðugur, þá gætu bíleigendur komið saman á Grundartanga og fagnað góðum árangri í kolefnisútblæstri, miðað við höfðatölu.

Séð yfir Isfjorden, Svalbarða. Canon 350D, EFs 18-55 f/3.5-5.6 II

Vorverkin

Sverrir Aðalsteinn — Thu, 07 May 2009 09:00:06 +0000

Í bloggi sem ég birti þremur og hálfum mánuði sagðist ég ætla að setja íbúðina mína á sölu. Núna síðastliðinn mánudag skrifaði ég undir sölusamning. Ekki var það samt svo gott að íbúðin seldist ein og sér heldur settum við Charlotta hana upp í 80 ára gamalt einbýlishús á Norðurbraut í Hafnarfirði. Afhending á báðum eignum verðu 1. júní, 11 dögum eftir að ég verð að skila MSc ritgerðinni. Nóg að gera.

Stofan á Hellu. Canon 350D, EF 24 f/2.8

1. Maí

Sverrir Aðalsteinn — Thu, 30 Apr 2009 13:19:11 +0000

Voðalega er það öfugsnúið að tengja verkalýðsfélög við 1. maí. Auðmanna meðvirknin og evrópusambands ástin er svo mikil í þessum klúbbum að venjulegt fólk hefur ekkert þangað að gera.

Rannsóknarskipið Stockholm fyrir utan Poolpinten, Svalbarða. Canon 350D, EFs 18-55 3.5-5.6 II

Óvinir

Sverrir Aðalsteinn — Wed, 22 Apr 2009 15:22:55 +0000

Hefði það ekki verið minna mál fyrir framsókn að gera lista yfir vinveitta bloggara en óvinveitta. Bara pæling.

Hestur. Canon 350D, EF 50 f/1.8 II

Kosningar

Sverrir Aðalsteinn — Tue, 21 Apr 2009 11:48:35 +0000

Er ekki málið að kjósa bara í júróvisjón þetta árið.

Fjallganga á Svalbarða. Canon 350D, EFs 18-55 f/3.5-5.6 II

Gluggagægjur

Sverrir Aðalsteinn — Sat, 18 Apr 2009 20:43:41 +0000

Ætli auglýsingastofan sem gerði gluggagægju auglýsinguna fyrir bæði framsókn og íhald hafi fengið borgað frá báðum. Ætli sjallarnir hafi ekki bara keypt notaða hugmynd á afslætti, enda á hausnum eftir síðasta klúður.

Örn. Canon 350D, EF 24 f/2.8

Vatnsstígur

Sverrir Aðalsteinn — Fri, 17 Apr 2009 16:10:50 +0000

Hitti í gær mæddan aðgerðarsinna sem skrapp með mér að skoða rústirnar á Vatnstígnum. Lýsingarnar voru dramatískar. Piðarúðinn, eða táragas en það er alveg ljóst, í loftinu var svo mikill að fólk kúgaðist og ældi. Af neðri hæðinni barst ærandi hávaði þegar löggan sagaði húsið í sundur undir fótunum á fólkinu. Piparúða sprautað tilviljunarkennt í allar áttir. Allt brotið, allt eyðilagt og allt lagt í rúst.

Niðri í götunni stóð eigandinn og hló, sagði að löggan væri að vinna vinnuna fyrir sig, þyrfti ekki að rífa húsið sjálfur.

Snæfell og Man. Canon 350D, EF 24 f/2.8