Verðandi afmælisstrákur

Emil á tveggja ára afmæli næsta föstudag. Hann hefur þegar beðið um að afmælistertan verði skreytt með Lighting McQueen sem ég verð að viðurkenna að ég hef ekki hugmynd um hvað sá kappi heitir upp á íslensku. Á spænsku gengur hann undir nafninu Rayo McQueen sem Emil ber fram sem Læjó. Myndin Cars er í miklu uppáhaldi hjá þeim bræðrum sem skiljanlegt er.

Ari hefur þegar tilkynnt að hans afmælisterta verði skreytt með Spiderman en af einhverjum ástæðum er Spiderman það heitasta í dag í hans heimi. Vildi fá skólatösku með Köngulóarmanninum en endaði með Buzz Lightyear í staðinn þar sem Spiderman töskurnar voru ekki að gera sig. Nýjustu rúmfötin hans eru hinsvegar myndskreytt með Spiderman, Iron man og Wolverine.

Líklega verður að passa upp á það ef Emil fær einhverja pakka þá verður Ari að fá einn eða tvo í sárabætur fyrir að eiga ekki afmæli fyrr en í janúar. Eignarétturinn er mikið til umræðu hjá þeim þessa dagana, hver á hvaða dót. Ég reyni að koma með sósíalískar lausnir á þeirra deilumálum en þær falla í grýttan jarðveg.

Ari fær daglega heimaverkefni úr skólanum sem yfirleitt snúast um að lita mynd, klippa og líma myndir og þess háttar föndur. Emil þurfti því að sjálfsögðu að fá sín heimaverkefni eins og almennilegur maður og litar því með Ara daglega.

Þeir bræður eru góðir vinir yfirleitt og leika sér fallega saman. Við gætum ekki verið hamingjusamari með þessa gutta á heimilinu.

Tags: ,

4 andsvör við “Verðandi afmælisstrákur”

  1. Gógó

    Til hamingju með guttann á morgun! :) Ég er einmitt strax farin að hlakka til að halda upp á tveggja ára afmæli Hróbjarts í desember ;)

    Gaman að sjá hvað þú ert duglegur að blogga – hef verið mjööööög ódugleg að lesa blogg síðasta árið liggur við að segja :Þ

  2. Lalli

    Hehe, þetta eru nú engin afköst, örfá blogg á ári.

  3. Stína

    Frábært að lesa þetta blogg, sé þá bræður fyrir mér að lita saman :) Valdi segir að á íslensku heiti hann Leiftur McQueen, ég hef aldrei séð þessa teiknimynd ;)

  4. Lalli

    OK, var hann kallaður Leiftur. Ætli Felix Bergsson hafi talað fyrir hann?