Gjá – fréttatilkynning

„Ástæða þess að þorri almennings mun taka þátt í að bjarga bönkunum er skortur á hugmyndaflugi, eða einfaldlega skortur á hugmyndum, í þeim skilningi að hér er ekkert annað eftir. Í nafni frelsis og samkeppni var öllum hugmyndum um hvað samfélag getur verið útrýmt, nema einni.“ Ástæða þess að þorri almennings mun taka þátt í að bjarga bönkunum er skortur á hugmyndaflugi, eða einfaldlega skortur á hugmyndum, í þeim skilningi að hér er ekkert annað eftir. Í nafni frelsis og samkeppni var öllum hugmyndum um hvað samfélag getur verið útrýmt, nema einni.

Nýhil kynnir, ólgandi af byltingarmóð: út er komin bókin Gjá, safn ritgerða, erinda og blaðagreina eftir Hauk Má Helgason, rithöfund og heimspeking. Haukur Már, sem áður hefur sent frá sér ljóðabækur og skáldsögu, hefur einnig verið í hópi beittustu ritgerðasmiða landsins fyrir og eftir efnahagshrun. Í verkinu er saman kominn fjöldi texta frá árunum 2003 til 2010 sem skrifaðir voru við ýmis tækifæri og um ýmis málefni, allt frá stöðu hælisleitenda á Íslandi til Evrópusambandsaðildar til kynlífshandbóka, en eiga það sameiginlegt að innihalda róttæka ádeilu og skarpa greiningu á íslensku samfélagi.

Formála ritar Eiríkur Örn Norðdahl, skáld. Ritstjóri er Kári Páll Óskarsson.

Bókin er 214 síður og verður fyrst um sinn prentuð í takmörkuðu upplagi, en síðar verður einnig hægt að nálgast hana í fyrirhugaðri vefverslun Nýhils. Leiðbeinandi útsöluverð er kr. 2990.

Bókstafir skríða í felur fyrir komandi fyrirsát, ljóðlistin tekur jóðsótt og fæðir nýja bók: Af steypu, fimmta vers í afbókaflokki Nýhils!

Af steypu meðhöndlar sjálfa meðhöndlun tungumálsins, setur efnið í fyrirrúm og spyr sig: Hvað á þetta allt saman eiginlega að þýða? Hvað er hægt að gera með ljóðlistinni? Myndljóð, konkretljóð, endurvinnsla, hömlur,
konseptljóðlist - möguleikarnir virðast óþrjótandi. Bókin er svo stútfull af
ljóðverkum og ritgerðum, bæði frumsömdum og þýddum, að bókahillur hreinlega svigna og fílefldir burðarþrælar Nýhils eru við það að kikna í hnjáliðum. Fullvíst má telja að svo veglegt rit um ljóðlist hafi ekki komið út á
Íslandi í langan tíma.

Ritstjórar Af steypu eru Eiríkur Örn Norðdahl og Kári Páll Óskarsson, en meðal höfunda efnis eru Gertrude Stein, Guillaume Apollinaire, Charles Bernstein, Inger Christensen, Gyrðir Elíasson, Óskar Árni Óskarsson, Sjón og margir, margir fleiri. Leiðbeinandi verð bókarinnar er kr. 3990 og er hún til sölu í öllum betri bókaverslunum. Hún er í kiljuformi og 284 síður að lengd.

Svör við öllum spurningum veita ritstjórar:

Eiríkur: kolbrunarskald@gmail.com
Kári: kari@kommunan.is

Ps. Innilegar þakkir til allra þeirra sem lögðu hönd á jarðvinnslutækið sem byltir við efsta yfirborði jarðar.

Það hefur alveg gleymst að tengja Francisco Goya við kreppuna, eins og gert hefur verið við hér um bil alla aðra málara/skáld/tónlistarmenn/kvikmyndagerðarmenn/konseptlistamenn/balletdansara…

En ég áfellist ykkur reyndar ekki. Þó að fólk hafi heimskulegar skoðanir er ekki þar með sagt að það sjálft sé heimskt, eða ófært um heilbrigt endurmat.

Í 956. kafla eignast Páll reiðhjól. Í 957. kafla missir hann sveindóminn. Eða var það öfugt?

Uppfært: í 1031. kafla sér Páll brauðrist í fyrsta sinn.

Því miður virðast margir vilja meina samborgurum sínum einmitt þetta, krefjast af þeim ófullnægju og vansældar, og að þeir selji sig, selji hug sinn. Sú krafa er yfirleitt studd úreldum hugmyndum um hvað það sé að vera matvinnungur. Sorgleg þröngsýni. Villimennska.

Annars fékk ég síðasta hefti af ljóðatímaritinu Fulcrum í pósti í síðustu viku, 700 blaðsíðna hlunk af ljóðum og greinum, þetta hefti tileinkað ljóðlist Becketts. Pantaði það… í september! Ljóðið ratar greinilega til sinna þótt síðar verði. Yður sem pantað hafið menningarefni frá fjarlægum slóðum segi ég: örvæntið eigi þó að biðin sé löng og erfið.

Ég heyrði sagt frá ferð í fornu landi:
Tveir fætur gildir meitlaðir í stein
búklausir stóðu orpnir auðnar-sandi,
en ásýnd tvístruð lá sem moluð hlein

í sandsins hafi. Undir ennisbandi
sást ygglibrún, en kuldaglott á vör.
Listamanns-augað lofa valdsmanns-brár
sem lýsa þótta undir konungs-skör.

Og neðst við stall má nema leturdrátt:
„Nafn mitt er Ósimandjas, kóngur hár.
Sjá hér mitt ofurvald – og lútið lágt!“

Auk þessa – ekkert! Áfram veðrin rjúfa
hið aldna tignar-flak. Í hverri átt
auðnanna sandar endalausir grúfa.

Þýðandi: Helgi Hálfdanarson

Ég held, að það sem mig langaði að segja væri að ég vantreysti athafnamönnum almennt. Ég hef alltaf haft illan bifur á þeim mörgum, en miklu meira nú orðið en áður. Alveg síðan hrunið varð hef ég, og væntanlega flestir aðrir, upplifað íslenskt samfélag mjög ákveðið sem samfélag sem er undir hælnum á viðskipta-þorpurum, maðksmogið og illa lyktandi. Það er vægast sagt leiðinlegt, en virðist ekki ætla að breytast neitt. Engum hefur verið refsað, enginn hefur sagt af sér.

Það er líka ansi ömurlegt að vera fastur í jafn symbíótísku sambandi við aðila sem maður hefur jafn illt álit á. Ég þarf að versla ódýrt, og það er engin önnur kjörbúð nálægt mér. Ég fæ næringu mína frá bófunum.

Sjá betur hér.