Samuel Beckett var á dagskrá rásar 1 í gær, í útvarpsleikhúsinu. Ég var víst fenginn í þetta til að kommenta á gamla skrögginn, reyndi að segja eitthvað af viti. Í öllu falli gaman að hafa getað lagt eitthvað af mörkum til þessa vandaða prógramms.
Annars fékk ég síðasta hefti af ljóðatímaritinu Fulcrum í pósti í síðustu viku, 700 blaðsíðna hlunk af ljóðum og greinum, þetta hefti tileinkað ljóðlist Becketts. Pantaði það… í september! Ljóðið ratar greinilega til sinna þótt síðar verði. Yður sem pantað hafið menningarefni frá fjarlægum slóðum segi ég: örvæntið eigi þó að biðin sé löng og erfið.