Allar konurnar í lífi mínu eru að stinga af.
Áa er að fara í margra mánaða ferð til Asíu.
Guðrún Hulda sömuleiðis.
Jóhanna er að fara til Skotlands.
Aurélie mín er að fara heim til Frakklands.
Kötturinn Fluffy er hættur að koma í heimsókn.
Ég held ég fari og fái mér ginflösku.
Tékkið á þeim Hanno Millesi og Ann Cotten, væntanlegum gestum á Nýhilhátíðina. Hanno mun reyndar vera Austurríkismaður en ekki Þjóðverji eins og sagt er í blaðinu, bara svo því sé haldið til haga.
Umhverfisráðherra sendi fyrirhugaðar framkvæmdir á Bakka í mat, og það hefur vakið upp þónokkur viðbrögð. Mikill hluti þessarra viðbragða er væl. Norðlenskir þingmenn, verkalýðsforingjar og bloggarar eru hreinlega miður sín og tala meira að sega um atlögu að íbúum svæðisins og rýtingsstungur í bakið. Fyrir mér hljóma þeir eins og aumingjar. Þarf virkilega að sökkva í svona aumkunarverða örvæntingu af því að töfralausnin mikla kemur ekki alveg strax? Maður spyr sig hvort þetta fólk hafi virkilega enga trú á sjálfu sér fyrst það er svona rosalega háð hugmyndinni um álver. Þvílík andleg fátækt.
Þegar Ásbjörn Björgvinsson byrjaði með hvalaskoðunarferðir á húsavík héldu allir að hann væri ruglaður. En gekk þetta svo ekki bara ágætlega hjá honum?
UPPFÆRT 07.08.06: Jæja, það var víst ekki Ásbjörn sem byrjaði með hvalaskoðunarferðirnar heldur safnið, skömmu eftir að ferðirnar byrjuðu. Breytir því ekki að hann er frumkvöðull.