X-faktorinn

Nykur kom formlega upp úr tjörninni á ný um daginn með útgáfu Endurómunar upphafsins eftir Arngrím Vídalín. Svo er Gárungagap eftir Emil Hjörvar Petersen væntanleg í janúar. Fyrrnefndu bókina á ég auðvitað og þá síðarnefndu mun ég að sjálfsögðu fá, og svo á ég Uppstyttur sem Davíð A. Stefánsson sendi frá sér árið 2003. Svo er mín eigin bók, Oubliette, væntanleg með nýja árinu. Mig vantar því eftirfarandi Nykurbækur:

1. Ljóðasmygl og skáldarán, Andri Snær Magnason, 1995.
2. Blákaldur draumveruleiki, Björgvin Ívar, 1995.
3. Orð sem sigra heiminn, Davíð A. Stefánsson, 1996.
4. Litla gula hænan og síðasta kvöldmáltíðin, Björgvin Ívar, 1997.
5. Innrás liljanna, Bergsveinn Birgisson, 1997.
6. Ást á grimmum vetri, Sigtryggur Magnason, 1997.
7. Svarthol, Steinar Bragi, 1998.
8. Kveddu mig, Davíð A. Stefánsson, 1999.
9. Augnkúluvökvi, Steinar Bragi, 1999.
10. Bók í mannhafið, ritstjóri: Andri Snær Magnason, 2000.
11. Skál fyrir skammdeginu, Ófeigur Sigurðsson, 2001.
12. Eldfuglinn í ísskápnum, Haukur Davíð, 2002.

Ef einhver sem les þetta á eitthvað af þessum bókum hvet ég þann hinn sama að hafa samband við mig á kpo@hi.is eða í síma 864-5710, svo við getum talað bissness.

Afnema launaleynd sem víðast,

Gera stórátak í málefnum aldraðra, öryrkja og nýbúa svo þessir hópar hætti að vera dreggjar samfélagsins,

Nýbúar fái gjaldfrjálsa íslenskukennslu,

Aðskilja ríki og kirkju STRAX, það er algjört jafnréttismál,

Grundvalla sjálfstæða utanríkisstefnu sem byggir á mannhelgis-, friðar- og jafnaðarhugsjónum og hætta undirlægjuhættinum gagnvart Bandaríkjunum; fordæma framferði Bandaríkjanna og Bretlands í stríðinu gegn hryðjuverkum; Ísland standi utan hernaðarbandalaga,

Slíta öllum stjórnmálatengslum við Ísraelsríki,

Hækka þróunarframlögin upp í 0,7%,

Gera átak í málefnum ungs fólks á vinnumarkaði og koma í veg fyrir að vinnandi krakkar séu arðrændir,

Standa vörð um kjör verkafólks almennt á tímum ofurlauna og hróplegs mismunar á stöðu ríkra og fátækra,

Leiðrétta skattbyrðina sem hefur kerfisbundið verið velt af fyrirtækjum og fjármagnseigendum yfir á okkur hin,

Stórauka fjárframlög til Háskóla Íslands og leiðrétta samkeppnisumhverfi hans,

Standa vörð um jafnrétti til náms á öllum skólastigum,

Stuðla að byggðaþróun sem grundvallast á hugviti og nýsköpun í stað stóriðju-einæðis; náttúran fái að njóta vafans,

Kynjakvótar: mjög jákvæðar tímabundnar aðgerðir til að leiðrétta hlut kvenna.

Úrbætur í geðheilbrigðismálum; lækka lyfjaverð, auka mótframlög frá ríkinu o.s.frv.

1. Ég drekk ekki.

2. Ég reyki ekki.

3. Ég bölva ekki.

4. Ég nota ekki ólöglega vímugjafa.

5. Ég sef ekki hjá.

6. Ég stunda ekki djöfladýrkun.

Kári Páll Óskarsson, gjaldkeri Ungra vinstri-grænna, hefur ákveðið að gefa kost á sér í forvali Vinstrihreyfingarinnar - græns framboðs í Reykjavíkurkjördæmunum og
Suð-vesturkjördæmi sem haldið verður 2. desember næstkomandi. Kári sækist
eftir 3.-4. sæti í forvalinu.

Kári hefur verið félagi í Vinstrihreyfingunni- grænu framboði frá árinu 1999 og gegnt margvíslegum störfum fyrir flokkinn. Hann hefur setið í stjórn Ungra vinstri-grænna frá árinu 2004, þar sem hann er nú gjaldkeri. Þá hefur hann og setið í stjórn Reykjavíkurfélags Ungra vinstri-grænna frá 2005. Hann var aðstoðarkosningastjóri Vinstri grænna í Kópavogi síðustu sveitastjórnarkosningum.

Kári hefur ekki einskorðað þáttöku sína í félagsmálum við Vinstrihreyfinguna – grænt framboð. Kári situr nú í stjórn Röskvu – samtaka félagshyggjufólks við Háskóla Íslands og situr fyrir hönd hennar í menntamálanefnd Stúdentaráðs Háskóla Íslands. Að auki hefur hann starfað náið með Íslandsdeild Amnesty International og situr í stjórn S.A.R.K. (Samtaka um aðskilnað ríkis og kirkju).

Kári hefur lokið B.A.-námi í ensku og frönsku frá Háskóla Íslands þar sem hann leggur nú stund M.A.-nám í þýðingafræði.

Kári tilheyrir hinni nýju kynslóð flokksins, kynslóð sem alist hefur upp innan Vinstrihreyfingarinnar - græns framboðs og hafði aldrei nein tengsl við gömlu íslensku vinstriflokkana. Kári leggur áherslu á félagslegt jafnrétti og rétt allra til þess að lifa með reisn alla ævi. Því vill hann sporna gegn þeirri miklu miskiptingu sem orðið hefur í Íslensku samfélagi frá því að Sjálfstæðisflokkurinn komst til valda árið 1991. Menningar- og menntamál eru honum einnig ofarlega í huga, hann vill leggja áherslu á mátt hugvits og nýsköpunar í atvinnulífi og utanríkisstefnu sem grundvallast á friðarboðskap og virðingu fyrir mannréttindum.

Kári var búsettur á Akureyri á árunum 1989-2002 en býr nú og starfar í Reykjavík.

Dagfari, tímarit herstöðvarandstæðinga, datt inn um lúguna hjá mér áðan. Í því er m.a. grein eftir mig um mannréttindabrot. Ég er nokkuð stoltur. Samt er maður alltaf mjög fljótur að fara að naga sig í handarbökin eftir á þegar eitthvað svona er komið frá manni.

Það er klárlega ljóðabókin Endurómun upphafsins eftir Arngrím Vídalín Stefánsson. Grípið hana glóðvolga!

Ef þið þurfið einhvern tíma að nota orðið ‘múmía’ þá stendur ykkur líka til boða að nota samheitið ’smyrlingur’.

Á Íslandi er dagblað sem heitir Morgunblaðið.

#####

Í því blaði er lítill nafnlaus dálkur sem heitir Staksteinar.

#####

Dálkur þessi var lengi vel á næst-öftustu síðu í blaðinu en hefur í seinni tíð verið færður framar í blaðið og má nú yfirleitt finna hann á síðu 8.

####

Dálkur þessi er mjög stuttur og því er sjaldnast svigrúm í honum til að fjalla heildstætt um nein málefni. Blaðið notar dálkinn því frekar sem aukavettvang á síðum þess til að tjá skoðanir, fyrir utan leiðarana sem einnig eru nafnlausir.

####

Dálkur þessi er vita tilgangslaus og pappírinn sem undir hann fer myndi hiklaust nýtast betur ef honum yrði safnað saman og farið með hann á salerni blaðsins. Höfundar dálksins virðast ávallt vera drifnir áfram af einhverjum allt öðrum hvötum en þeim sem stjórna eiga skrifum góðra blaðamanna, því undantekningalítið er pistill þessi notaður til að fá útrás fyrir einhvern undarlegan pirring sem beinist yfirleitt að þeim sem síst verðskulda að fá yfir sig skammir. Þannig er pistill þessi gjarnan notaður til að slíta orð manna úr samhengi og birta ranga mynd af þeim á afar ómaklegan og óbilgjarnan hátt. T.d. er málflutningi snúið þannig á haus að menn sem tala af yfirvegun, víðsýni og sanngirni eru látnir líta út eins og öfgamenn.

####

Staksteinar Morgunblaðsins eru með öllu tilgangslausir. Þeir leggja ekkert gagnlegt af mörkum til þjóðfélagsumræðunnar heldur skapa þeir þvert á móti óþarfa gremju og leiðindi með sínum heimskulegu, ósanngjörnu og nafnlausu raggeitaskrifum. Ef Morgunblaðið væri ekki svona íhaldssamt blað væri það eflaust búið að leggja staksteina niður fyrir löngu, eða eins og áður var lagt til, fara með þá á salernið.

æakergæeahgéaioretbæewoiworq´peowrnbáðewg´qpwhqoweih´qi bqopejoqoiqnoiobinegiq´tinbqæoiqóegqóeigqæoeiæqoegqæoegqæoegæqoeæqoeæqoeqæeoiæeoæqhæqehæqeghqæeoqqeioqe´gnierbiu3pwbsæspse92502hojbslaæobxllsidjewpðpegnladlahgrelkghlerghlehgerhgqpeqgblptutnv,pspuewpeuwgpuspfupsurpwupwr.gpdfuugpweurslfhwuprwpweufwpuwpoupwoeupwoeurruouweruhumphumphump.

Óstaðfestar fregnir herma svo að góður kunningi minn hafi farið heim með doktor Bök og gert með honum dýrið með tvö bök.

Tékkið á ljósmyndasýningu Sigurðar Gunnarssonar félaga míns á Café Mokka, myndir af Íslenskum goðum ásatrúarfélagsins.